En holl gurioziteoù, en holl foarioù zo traoù da c’hounid, peluchoù peurliesañ peotramant pesked aour. E An Oriant, ema bet staliet ar foar, èl bep blez, etre plasenn Jules Ferry hag an ti-kêr. Eürus an dud da vonet di hag ar grennarded da c’hoari tos-tos er gweturioùigoù.
E mar a guriozite zo pesked aour da c’hounid. N’int ket maleürus aze, pas maleürusoc’h evit ar re a zo da werzhiñ er stalioù loened berped. Ne vir ket doc’h ur gevredigezh parizian, ar PAZ (Paris Animaux Zoopolis) da vout skrivet d’ar maer Fabrice Loher d’an 21 a viz kerzu pezegwir e vehe “er-maez ag ar lezenn” da ginnig pesked aour evel lodoù da c’hounid !
Martial Gouin, mouezh-aotret ar foranourion, en deus savet e vouezh é klevet se : “kalavern petra eo. Ha n’o deus ket sort tud traoù arall d’ober ?” hag ar marc’hadour da lavarout n’eo ket gwalldretet ar pesked aour e foar An Oriant, er c’hontrel mem. Tennañ ar pesked aour ag ar lodoù ? ‘mañ ket ‘barzh ! Hervezañ. Hag eñ a zalc’ho penn d’ar voboed parizian en deus touet ! Chom a ray pesked aour e kurioziteoù An Oriant mod pe vod !
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
