Emañ kêr Sant-Nazer o vont da rip. An trafikañ dramm, an disurentez a zo o vreinañ spered ha kalonoù Nazeriz. Kement ha kemer ur skouer : karter ar Bouletterie. Deuet eo da vezañ hini an trafikoù a bop sort. N’hall ket mui ar poliserien mont ‘barzh hep bezañ taget gant hailhoned hag a zo hardizhoc’h-hardizhañ. D’an 08 a viz du e klaskas ar boliserien diskenniñ kalonek d’an 23 alez Barbara. Anavezet mat eo ar chomlec’h-mañ e Sant-Nazer evit bezañ ur lec’h ma vez hailhoned o werzhañ kaoc’h noz-deiz.
Kerkent ha erruet e penn an alez e krogas ar gederien da huchal. « Chouf chouf wesh wesh ». Ha setu an drafikerien hag ar gederien oc’h en em strewiñ er seizh avel. Eüruzamant, un dealer a risklas war al leton gleb ha daou d’ar bidouf ! Drogach a oa gantañ.
Met a-raok kas anezhañ d’ar c’homiserdi o deus ar boliserien bet braoz ouzh e gomperien. Hag int o chetañ mein gant ar c’hargidi ! Hag an dealer paket o c’hoari ar sac’h goulo (« ha ne chom ket en e sav » evel ma ouarit) evit lakaat diaes ar boliserien. A-benn ar fin e rankjont ober gant o LBD ha grenadennoù dic’hronnañ.
Kondaonet eo bet ar paourkaezh choig, ur penn-dramm anezhañ, da prederiañ e-pad bloaz war e damm buhez truezus e toull-bac’h Naoned gant lez-varn Sant-Nazer.
Hag e-keit se emañ e gomperien o kendalc’her gant an trafikañ d’an 23 alez Barbara ha tro-dro !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
