Sebezet e oa bet kêr Ar Groazig pa voe disklozet an afer d’ar 14 a viz du : un trafik dramm a oa e tavarnioù ha pretioù zo eus ar gumun ! Hervez ar justis e vefe ur pizzeria eus ar porzh kreizig-kreiz an trafik.
Selaouet e oa pellgomzerioù laboused zo gant divskouarn bras an archerdi ha divizoù zo, diwar-benn « boutailhoù eoul », etre tud anavezet gant ar polis evit aferioù dramm a oa sklaer evel an arc’hant. Pa oa degouezhet an archerien e tiez ar re diskred warno e voe kavet dramm (kokain, kanab), pakadoù arc’hant, … stalad trafikerien e berr komzoù !
Anavezet mat eo merer ar pizzeria, hag eñ arruet e Bro-Frañs e 1996 (eus Italia), rak kondaonet eo bet 8 gwech dija, ur wech evit trafikañ dramm. Bremañ emañ er bidouf ha touiñ a ra bezañ ur « c’hoñsomatour » traken evit « chom en e sav ».
Da c’hortoz kavout sklêrijenn ar furnez hag an tañperañs e-giz veze lavaret gwechall e chomo en toull-bac’h da brederiañ war e damm buhez. Setu ar pezh a zo bet divizet gant lez-varn galv Roazhon d’ar 24 a viz du.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
