C’hwech den a zo bet kondaonet gant lez-varn Naoned evit bezañ trafiket dramm e Machikoul etre miz genver 2025 ha miz genver 2026. En ul lojamant sokial e oa penn bras an trafik o chom. Hag eus e lojamant e veze merret an trafik. Noz-deiz e oa kirri-tan o treiñ hag o tistreiñ dre zirak al lojamant. Ha ken splann e oa deuet da vezañ ma oa bet galvet an archerien gant annezidi all ar rezidañs.
Dre Snapchat e veze urzhiadet an dozenn gant ar pennoù dramm ha roet a dorn-da-zorn dirak ar savadur. Evel ma vefe un « drive » !
E penn an trafik : ul labourer etretant a 23 bloaz. Dispign a rae e argant er stalioù eus Bro-raez, er fast-foodoù pe e kazino Pornizh. E bourchaser a oa ur paotr en e 23 bloaz hag a oa o chom en ur garavanenn e Machikoul. Gantañ e veze fardet ar sac’hadigoù a ganab pe kokain hag a veze adwerzhet gant paotr al lojamant sokial.
Gant paotr e garavanenn ez eus bet kavet ur garabinenn 22 LR hag un didrouzer. Ha ne oa ket evit mont da jiboes, anat !
Gant pevar lampon all o deus « breinet » Machikoul e-pad bloaz en deus lavaret prezidant al lez-varn d’al lun 16 a viz meurzh.
Kondaonet int bet da amantañ en toull-bac’h. Eus tri bloavezh hanter rik da 18 mizvezh gant goursez.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
