« Lazhañ a ra ar polis » hervez ar gaochisted met skeiñ a ra an antifaoù. Fin, skeiñ a ra pa vezont ugent pe tregont a-enep UN enebour, a-hend-all e skampont kuit. E Naoned, e karter Talensac, d’an 30 a viz even, da lavaret eo da geñver tro kentañ ar votadegoù kannaded, e oa daou zen o kantreal. Daou labous un tamm drol : An dremm mouchet, un ticheurt antifa, ur maskl war ar beg, divizout a reas poliserien da sellet ouzh o faperioù evit « kontroliñ o identelezh ».
Ya met unan anezho a nac’has lavarout e anv ha reiñ e baperioù. Nerzhus-tre e oa ha skeiñ a reas gant ar boliserien. Kaset dirak ar barner d’an 19 a viz gouere e lavaras e oa bet fuket da vezañ bet poltredet gant ur poliser (hag a felle dezhañ gwiriekaat e identelezh) hag aon en doa bet rak ur « stlabezenn polis » evel e vez lavaret hag adlavaret er metoù gaochist.
Ken aon o deus rak ur « stlabezenn » ken e reont o seizh gwellañ evit ma c’hoarvezhfe ur stlabezenn !
Bevañ a ra an antifa en ur skwat eus Gwerzhav. Ne c’houzanv tamm redi ebet ha ne blij ket dezhañ ar boliserien.
E berr komzoù : ur gaochist !
Kondaonet eo bet da zougen un dro-vrec’h elektronek e-pad seizh miz mui ur skodenn.
Setu ! Deuet eo da vezañ ur « reuzied » eus ar « stad faskour » !
Crédit photo : DE
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
