Serb a vroadelezh eo an div genitervez met komz a reont italianeg, ken o deus ezhomm da vezañ sikouret gant ur jubennour. Dirak lez-varn Sant-Nazer d’ar 6 a viz gwengolo n’int ket prest da anzaviñ an disterañ tra. N’o deus ket graet netra !
Ha padal int bet gwelet o vont tre e tiez ha ranndiez eus Pornizhañ hag Ar Baol hag o ADN a zo bet kavet meur a wech en tiez « gweladennet ». Ne vir ket outo da vout nac’het pep tra… e penn-kentañ ar prosez bepred !
Tamm-ha-tamm e teuas a-benn ar barner hag an testoù da bikañ o c’halon.
Klask a reas o breutaer parizian arguzenniñ war ar fed e oant en ur strollad, « mailh diwezhañ ur chadenn » ha tout.
Ar pezh zo, da 21 a 26 vloaz, n’eo ket ar wech kentañ dezho en em gavout dirak ul lez-varn gall. N’eo ket yerig gwenn anezho ! Hag ouzhpenn-se o deus bastrouilhet, distrujet an tiez o deus laeret. Perak ?
A-benn ar fin int bet kondaonet da 24 ha 18 mizvezh toull-bac’h. Hag un OQTF war briz.
Nebaon merc’hed, a-benn nebeut e vioc’h dibrizonet hag an OQTF-mañ ne dalv netra e Bro-Frañs !
Crédit photo : breizh-info.com (TDR)
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
