Koeron (44) : ar re e-maez al lezenn a c’hoari an aotroù Doue

E Koeron (Bro Naoned) en em staliañ a reas, div sizhunvez zo, ur meuriad a rromed war un dachenn, hent ar Mine, m’eo an departamant perc’henn warni. A-raok e oant e Bouguenais, nepell ac’hann met skarzhet e oant bet. Al lodenn vrasañ anezho ne oar ket galleg.

Buan-tre e voe kaset un hucher gant ti-kêr Koeron ha hemañ a stadas e oa e-maez al lezenn ar c’hamp-mañ. Ha kaset kerkent ar stadad d’ar justis.

Met n’eo ket bet embannet an devredad skarzhañ gant al lez-varn c’hoazh, n’hall ket ar Rromed bezañ skarzhet neuze.

Evel just e profitas kevredigezhioù eus an tu-kleiz eus ar momed etre-mañ evit tourc’hellad an dachenn. Dilennet e oa bet ar maer eus an tu-dehoù Axel Casenave (23 bloaz nemetken) gant 3 mouezh ouzhpenn er votadegoù-kêr ha se n’eo ket bet lonket gant ar gaochisted.

D’al lun 4 a viz mae e voe aloubet an ti-kêr gant un tropellad trouzus evit reklem tredan ha dour evit ar Rromed ! Mui plasoù er skolioù evit o bugale ! E-touez ar vanifesterien e oa dilennidi eus an tu-enep evel just.

Hag en em c’houlenn a ra an dud-se perak int bet pillet er votadegoù-kêr ?

Paneve Serge Ricordeau (tu-dehoù) hag a zo bet maer etre 1993 ha 1995 atav ez eus bet maered eus an tu-kleiz, SFIO ha neuze PS, e Koeron abaoe 1908 !

Met cheñchet en deus an tu-kleiz, bremañ n’en deus foutr kaer eus ar micherourien, n’eus ket nemet ar repuidi hag an LGBT a gont evitañ !

Tro-dro da Naoned ez eus muioc’h-mui a gampoù rromed evel hini Koeron. Ha gwasoc’h e vo gant an hañv o tostaat kar d’an hañv e vez gwelet kampoù termajied e-maez al lezenn o vleuniañ un tamm partout etre Gwenrann, Bro-Raez ha Naoned.

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.