Goude an heuliadenn a girri-tan devet e kreiz kêr Felger (Foujer e gallaoueg) abaoe daou vloaz setu an tan lakaet en un ti ! D’an noz etre an 30 hag an 31 a viz mae e voe galvet ar bomperien p’en doa kroget an tan en un ti eus straed Saint-Lô, tro 3e vintin. Ha n’eo ket abalamour d’an tredan e oa partiet an tan, abalamour da boubelennoù lakaet ouzh moger an ti ne lavaran ket. Rak div boubelenn, tan enne, a zo bet lakaet a-ratozh e-giz se ! Ar poubelennoù a oa e penn ar straed, prest da vezañ diskarget gant ar c’hamion, an deiz-se. Degaset int bet gant torfederien ha lakaet tan enne. Perak ?
En ti e oa pemp den o kousket memestra. A-drugarez d’an amezegez he doa klevet c’hwezh an tan e oant bet savetaet.
Met ne oa ket achu evit an noz ! Lakaet zo bet tan er greizenn kozh Alain-Fournier a zo un tamm pelloc’h ha dirc’hadet kirri-tan war ur parkva. Eüruzamant e teuas ar bomperien e koulz hag an eil tan a zo bet mouget buan.
Krizoc’h eo bet an hini kentañ rak aet eo e ludu un tamm mat eus an ti.
Gwasoc’h-gwasañ an traoù e Felger. Dav eo lavarout he deus cheñchet kalz poblañs ar gêr e-korf ar 5 pe 10 bloaz diwezhañ…
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
