Diwan, Sonerion, Stumdi, Ici Breizh-Izel emañ an emsav sevenadurel breizhad o tarzhal. Evit fed Diwan ez eus bet embannet ur rentañ-kont gant Kambr Rannvroel ar C’hontoù diwar-benn merañ lise Karaez. Ha danvez-tarzh zo ennañ ! Hervez tud fur ar C’hambr eo bet c’hoariet fall gant ar Rannvro e Karaez. Gant ar c’hoant gounit gweneienn gant salioù Kerampuilh zo bet lakaet L’Ailes, ur gevredigezh sokial, da verrañ ul lodenn eus al lec’h. Diwar-goust al lise Diwan hag al liseidi kar gant L’Ailes e vez feurmet ar salioù evit darvoudoù war ar pemdez.
Hogen o feurmiñ ar salioù-se da forzh peseurt doare tud e c’hoari ar Rannvro ur c’hoari teurt. N’haller ket meskañ tud a bep sort gant liseidi ha dreist-holl gant liseadezed, alato !
Savet en deus Christian Troadec e vouezh a-enep ar c’hoari-se ha savet a-du gant reklemoù al liseidi. Hag, o lenn rentañ-kont ar C’hambr, e c’heller soñjal e oa ar gwir gantañ.
War un dachenn-all, an dachenn sokial ar wech-mañ, ez eus trouz e Sonerion er mare-mañ. Trouz diwar-benn ar stadudoù, ar goproù, ar c’hoñdisionoù labour.
Amañ ivez o deus aon ar sonerion e vefe strishaet yalc’had ar Rannvro. N’eo ket gopridi Sonerion ar re gentañ o sevel o mouezh a-enep pratikoù sokial justik en Emsav. Kar e meur a gevredigezh e vez diwadet al labourerien. Met « evit ar stourm » eo hag « eus an tu-kleiz » eo an Emsav neuze reoù zo n’hallont ket bezañ emsaverien vat met patroned fall.
Met n’eo ket echu gant tarzhadenn an emsav sevenadurel kar bremañ eo an embannerien hag a zo en arvar evit un toullad a abegoù. Ma’z a Coop Breizh d’ar strad e c’hellfe meur a embanner all kouezhañ gantañ da skouer.
Ur sistem hollek an hini eo a zo o kouezhañ en e boull. Ha bremañ eo poent soñjal e-barzh un doare all da arc’hantaouiñ ar c’hevredigezhioù gouestlet da sevenadur ha yezhoù Breizh…
…Pe reklem e vefe echu gant an arc’hant roet d’an enbroidi gant ar rannvro ha dreist-holl gant an departamantoù (milionoù a vez lakaet bep bloaz evit degemer an estrañjourion, dreist-holl ar vinored) ha lakaet tout an arc’hant-se e-barzh ar sevenadur breizhad. Met, n’eo ket prest an Emsav evit se. Re strobinellet gant sotonioù an tu-kleiz emañ c’hoazh. Ur reveulzi speredel kriz e vefe evitañ. Re griz evit poent.
Crédit photo : DR (photo d’illustration)
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
