D’ar 55 ha d’an 39 straed Brest e Kemper d’an 12 a viz du e c’hoarvezas an traoù. Tro 5e220 GM, e voe leurennet un den yaouank gant ur poliser. War e lerc’h e tegouezhas un ugent bennak a beoliserien eus ar PSIG Kemper ha Douarnenez. Gante chas evit an dramm. Just e-kichen ez eus un ti gant ranndioù mod Airbnb ennañ. Gant an den yaouank e oa feurmet ur c’hambr en ti-mañ justawalc’h. Ha dao ! Leusket ar chas da sevel o frioù e-barzh. Ha n’o deus ket bet ur fri berr ar wech-mañ c’hoazh : 290g a gokain, 938g a heroin ha 5730€ e bilhedoù a zo bet kavet. Sklaer an traoù : un toull trafikerien dramm e oa !
Da c’houde zo bet serret paotred all etre Pont ‘n Abad, Douarnenez ha Kemper.
Hervez ar poliserien e oa ar re-se izili eus ur skipailh hag a rae mont ha donoù etre Dunkerques ha Penn-ar-bed. Ha n’eo ket evit emporzhiañ galfretezennoù, anat.
Emaint o vont da vezañ barnet digwener 14 a viz du. Diouzhtu-dak !
Illustration : DR
[cc] Article relu et corrigé (orthographe, syntaxe) par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine..
