Ur baradoz eo kartchier Bellevue e Brest. Ur baradoz hag a weladennas ar boliserien d’an 19 a viz eost. Abalamour d’un afer a garr-tan laeret e Brest, adkavet e Lannuon. Evel e-barzh kanaouenn Jean-Luc Roudaut (ur c’hamion a vro Leon) ! Ar pezh zo, e-barzh ar c’harr-tan laeret e oa 12kg a gannab.
E Brest e oa penn an afer. E Bellevue. Ur wech erruet dirak dor ur ranndi ne c’hellas ket ar boliserien mont tre. Ne felle ket d’an den a oa e-barzh dibrenn an nor. Amzer d’ar boliserien kavout un alc’hwezer, e kasas ar paotr ur sac’h dre ar prenestr. Sac’h hag az eas gant un den a oa e-harz ar savadur hag az eas kuit gant e droterez. Petra oa ‘barzh ar sac’h ? Den ne oar.
Pa teuas a-benn ar boliserien da vont tre ar ranndi e kavjont ennañ muioc’h eget 10 000€ e bilhedoù. E pep lec’h e oa ! Mui armoù ha kartouchennoù. Ha serret an den.
D’ar 4 a viz du e oa ar paotr serret dirak barner Brest. Anavezet mat gant ar justis, n’eo ket ur werc’hez ez eo, ur penn-dramm ne lavaran ket.
Ha setu ar pezh a lavar d’ar barner. Ur penn-dramm eo. Ha c’hoari a ra ar vagerez gwechoù zo evit gwir drafikerien. « Met eñ n’eo ket un trafikour ». 14 menneg war e roll lez-varn, 10 anezhe evit aferioù dramm, Douetañsoù a sav e spered ar barner.
Klasket en deus e breutaer lakaat en arvar arguzennoù ar boliserien hag a lavar n’eo ket patatez a oa e-barzh ar sac’h kaset d’ur c’homper dre ar prenestr. Ken suspisionus eo ar boliserien a-wechoù, goût a rit…
A-benn ar fin eo bet ken suspisionus all ar varnerien : 2 vloavezh toull-bac’h evit an trafikour. Hep goursez.
Illustration : DR
[cc] Article relu et corrigé (orthographe, syntaxe) par ChatGPT. Breizh-info.com, 2025, dépêches libres de copie et de diffusion sous réserve de mention et de lien vers la source d’origine..
