E ya ! Posubl eo ! Lennit ar pezh a zo bet kaset war ar rouadedoù sokial n’eus ket pell zo gant Reconstrucción Comunista, ur strollad komunour spagnol (troet e galleg) :
Evel just eo komunour ar strollad-mañ, « albanour » memes evit traoù zo, ar pezh a dalv e vefe gwelloc’h evit Bro-Spagn ne arrufe ket e penn ar vro. Met kar-e-vro eo ar strollad, ezel eus ar Frente Obrero, « Talbenn al Labourerien » hag a vod strolladoù all.
Hag ar re-se a zo komunisted mod-kozh, da lavaret eo a-enep an ideologiezh « Treuz », a-enep an embroerezh (evel ar PCF er bloavezhioù 70) hag a-enep ar wokism dre vras. Ha kar-o-bro da vat ! Fellout a ra dezhe e chomfe unvan Bro-Spagn da skouer. Jakobined neuze met jakobined peogwir int patrioted spagnol.
N’eus ket pell zo en deus manifestet Reconstruccion Comunista a-enep reoliekadur an estrañjourion dibaper gant ar gouarnamant PSOE. Biskoazh ne arrufe seurt tra e Bro-C’hall da skouer ! Met, evit Reconstruccion Comunista eo al labourerien a baeo ar bolitikerezh wok eus ar gouarnamant hag a ro, mod-se, e vagadoù a sklaved da batroned ar Greanterezh pe al Labour-douar spagnol.
E Siria o deus stourmet izili zo eus Reconstruccion Comunista gant ar Gurded, a-enep an Islamisted. E Bro-Spagn e kendalc’hont da stourm a-enep an Islamisted, peogwir int a-enep ar relijionoù, an holl relijionoù, ha n’eo ket ar relijion katolik nemetken evel hor gaochisted e Bro-Frañs.
Strolladoù eus an tu-kleiz a-enep ar wokism a zo e broioù ar C’hôrnog. E Bro-Alamagn, e Bro Danemark. E broioù zo eus Amerika ar Su eo normal da vezañ a-enep an enbroerezh pa vezer komunist pe eus an tu-kleiz.
Hag e vo strolladoù mod-se e Breizhpe e Bro-C’hall un deiz bennak ?
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
