Estreget ar suporterien mell-droad a zo brezel etreze etre Roazhon ha Naoned, etre an trafikerien dramm eus an div gêrbenn Breizh ivez ez eus gregon da lodennañ war a seblant.
D’an 13 ha 14 a viz c’hwevrer e oa otoioù glas-gwenn-ruz e karterioù zo eus Roazhon ha Naoned. An SIPJ, ar BRI, ar Raid mui servijoù all a oa war ar pont, an holl oa bet galvet evit serriñ tud hag o defe kemeret perzh er fuzuilhadegoù o doa tarzhet e karter Cleunay, e Roazhon, e fin 2023. Etre an 8 hag ar 14 a viz kerzu e oa bet teir fuzuilhadeg ma voe gloazet tud anavezet mat gant ar servijoù polis.
A-benn ar fin e voe serret pevar den : daou e Naoned, unan e Hierig, unan all e Roazhon hag an hini diwezhañ en… toull-bac’h ! Hervez Philippe Astruc anezhañ prokulor ar Republik eus Roazhon, “unan eus an dud serret a zo Kongolad-Angolad, daou a zo Ginead ha daou all gall a vroadelezh. D’ar 25 a viz meurzh e vint barnet. Da c’hortoz emaint en toull-bac’h.
Evel just ez eus ul liamm etre ar fuzuilhadegoù hag an trafikañ dramm, ur vandenn he defe klasket ober he c’hont d’ur vandenn all.
Ha padal, hervez an “doxa” ofisiel n’eus tamm liamm ebet etre an enbroerezh hag an disurentez.
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
