Poentoù « deal », gedourien o huchal « chouf, chouf » pa tremen ur c’harr-tan polis, setu traoù hag a vez gwelet e Marseille, Bobigny pe Naoned nemetken mut-hu ? Tamm ebet ! Bremañ ez eus seurt traoù e kêrioù bihan evel Gwenrann !
E Gwenrann, e penn-kentañ ar bloaz-mañ, ez eus bet skwatet ur savadur gant trafikerien dramm. Ur gwir poent deal mod « drive » e oa deuet da vezañ gant tud o tremen noz-deiz. E miz c’hwevrer ez eas annezidi ar savadur da gaout Nicolas Criaud, an aotrou maer, hag an archerien. Erru e oant skuizh, poent e oa ober un dra bennak ! Un taol-polis a zo bet lañset ganto ha serret trafikerien. Met kenderc’hel a ra an trafikoù un tamm pelloc’h. Hag aon o deus familhoù ar savadur e teufe an dealerien en-dro.
Ha koulskoude, dre ma oa ar felliezh o kreskiñ dija, e oa bet sinet ur c’hevrad a surentez e 2022 etre an ti-kêr hag an archerien. Kameraioù video a oa bet staliet, met n’eo ket a-walc’h. Evel meur a gêrioù bihan, emañ Gwenrann o treiñ fall, mod ar c’hêrioù bras. Rak trafikerien o tont eus Naoned pe Sant-Nazer eo a zigor seurt « adstalioù » e kêrioù bihanoc’h. Evit bezañ tostoc’h ouzh o fratikoù !
Hag ouzhpenn kudenn an dramm a zo e Gwenrann, felliezh eus ur seurt nevez a vez gwelet bremañ ivez. Hag kaset atav gant ar memes seurt tud…
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
