BREST, E brezhoneg, Education, Local, RENNES, Société

Deskadurezh e brezhoneg : Ar PPPE savetaet e Brest hag unan nevez digoret e Roazhon

Joa e oa gant Loïg Chesnais-Girard, prezidant ar Rannvro, d’ar gwener vintin 13 a viz c’hwevrer, kelaouiñ an dud e oa savetaet ar Programm Stummañ Kelennerien Galleg-Brezhonek (PPPE) hag a stumm kelennerien nevez evit ar skolioù brezhonek. Setu ar pezh en deus kaset war ar rouedadoù sokial :

« Un trec’h eo evit yezhoù Breizh. Un trec’h evit ar re a stourm bemdez evit treuzkas ar brezhoneg d’hon bugale. Abalamour da adreizh stummadur kentañ ar gelennerien e oa lakaet ar Programm Stummañ Kelennerien Galleg-Brezhonek (PPPE) en arvar. En em savet omp neuze. Gant ar c’hevredigezhioù, gant an dilennidi, gant holl zifennerien hor yezh. Hag hor mouezhioù zo bet klevet.

Kenderc’hel a raio an hentenn bet roet lañs dezhi e 2022 e Brest. Gwelloc’h c’hoazh, digoret e vo ur programm nevez e Roazhon e 2027.

Stummañ kelennerien divyezhek a warant dazont ar Brezhoneg. Reiñ a ra tro d’hor bugale da greskiñ gant hor yezhoù e Breizh, gant hor sevenadur hag hor lorc’h.

Rak ur nerzh eo yezhoù Breizh. Hon identelezh int. Breizh int. »

Gant ar program-mañ e fell d’an Deskadurezh-Stad ha d’ar Rannvro stummañ kelennerien nevez evit an 20 000 bugel a zo skoliaetet en hentennoù divyezhek (Divaskell, DivYezh) pe dre soubidigezh (Diwan). Hag ezhomm zo rak bep bloaz e vank kelennerien ha gopraet vez diwar vall ha betek re, tud ha n’int ket stummet evit bastañ da ezhommoù ar filierennoù !

Foto : Rannvro Breizh

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2025, dépêches libres de copie et de diffusion sous réserve de mention obligatoire et de lien do follow vers la source d’origine.

Tags : brezhoneg, deskadurezh e brezhoneg, PPPE, skolioù brezhonek

Cet article vous a plu, intrigué, ou révolté ?

PARTAGEZ L'ARTICLE POUR SOUTENIR BREIZH INFO

4 réponses à “Deskadurezh e brezhoneg : Ar PPPE savetaet e Brest hag unan nevez digoret e Roazhon”

Herri ab Yann dit :

17/02/2026 09:57 à 9 h 57 min

d’ar mintin gwener ? > d’ar gwener vintin !
RAYMOND NEVEU dit :

17/02/2026 11:34 à 11 h 34 min

Mat tre Herri!
Herri ab Yann dit :

17/02/2026 15:42 à 15 h 42 min

Mersi bras, Raymond, ma nizh !
RAYMOND NEVEU dit :

17/02/2026 19:52 à 19 h 52 min

Loig Chesnais un dén ne gomprenn tra d’on yezh! Ha laouen eo perag? Brulu give us explications! Lol.