Pa vez klasket e vez kavet ! E Kemper, e « kartchier » Kermoysan, d’ar merc’her 21 a viz mae, e oa bet kreñvaet bagadoù polis ar gêr gant ur gompagnunezh a CRSed eus Naoned. Bezañ mestr war ar c’harter en-dro e oa ar pal. War treuzell Kerjestin zo bet serret un den, un estrañjour dibaper, a 19 vloaz. Kantadoù ha kantadoù a euroioù a oa gantañ mui drogach evel just. Kaset eo bet kerkent d’ur C’hRa. Gant ma ne vo ket dibrizonet a-raok pell gant ur barner bennak…
A-hend all zo bet kavet gant chas ar polis ur sac’had leun a gokain e koad Kermoysan. Evel e Gwened e vez kuzhet drogach er c’hoadoù tro-dro Kemper bremañ ha, dre-se, n’hall ket mui an dud mont da bourmen enne.
Reklemet zo bet muioc’h a boliserien gant Isabelle Assih, maerez Kemper. E Kermoysan ez eus bet teir fuzuilhadeg abaoe fin miz ebrel, evelkent !
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
Une réponse à “Kemper : un estrañjour dibaper serret gant ar polis, ur sapre yalc’had gantañ !”
Ur fun, ur wezenn, un toull ha mad pell zo