Ar re a lak o bugale er skolioù katolik evit mont hebiou an teoriennoù wok nevez a vo souezhet o lenn ar c’heloù-mañ : e skol gatolik Sant-Jozeb eus Montbert, er Vro Gwiniegi, ez eus bet lakaet e pleustr ur stummadur war pevar bloaz « evit stourm ouzh ar stereotipoù jener ».
D’ar 25 a oa an « Deiziad a stourm a-enep ar revelouriezh », un dra dozvet gant Emmanuel Macron e 2023. Ha, da heul, zo bet lañset stummadurioù evit « stourm ouzh ar stereotioù jener » gant Elisabeth Borne, ministrezh-kentañ d’ar mare-se. War a seblant, ne vez ket lakaet a-walc’h a verc’hed da studiañ ar matematikoù en deskadurezh uhel da skouer. E Montbert zo bet lakaet an holl skolierezed (merc’hed nemetken a zo er skipailh pedagogel) da vezañ stummet war ar « stereotipoù » kerkent ha miz gwengolo. Ar pal zo d’en em rentañ kont e-unan eus e bec’hedoù : ober bravoc’h d’ar baotred eget d’ar merc’hed peogwir e vezont « furoc’h » er c’hlas ha kalz traoù all a seurt-se … Sellet o deus ar skolerezed ouzh bruderezhioù ma weler merc’hed nemetken er skolioù klañdiourez ha paotred nemetken er skolioù tisaver ivez. Nag ur stereotip !
E-pad pevar bloaz e vo « adreizhet » ar skolaerezed e skol gatolik Montbert rak bep bloaz e vo gouestlet un devezh a-bezh da vezañ stummet war ar stereotipoù jener.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
Une réponse à “Er Vro Gwiniegi, ur skol gatolik a-enep ar « stereotipoù jener »”
Penaos? Leun a bikous em daoulagad, ne welon banne…n’ur skol katolik? Pelec’h (e)do an Ao Direktor? Me a jom spontet ha va Itron ivez!