La Passem : 2000 km evit ar gaskoneg

Loc’han a raio La Passem, ar Redadeg evit ar gaskoneg, deus ar gêr a Vedous e Bro-Bearn hag erruout a raio a Bro-Euskadi, e Anglet. Etretant e tremeno ar rederien dre an Ariej hag al Lannoù. Etre an 30 a viz ebrel hag an 9 a viz mae e vo ar redadeg-mañ. Noz-deiz e redo an emsaverien evit ar yezh evel ma vez evit ar Redadeg e Breizh pe ar C’horrika e Bro-Euskadi. 2110 km a vo graet gant ar vazh ar bloaz-mañ ha biskoazh n’eo ket bet kement. Hag e vo tud evit e zougen kredapl rak kalz a vugale skoliataet er skolioù divyezhek, dre soubidigezh pe a zeskadurezh kreñvaet a zo o chom en tiriadoù ma tremeno La Passem. E Bro-Bearn (kement hag un hanter-departamant) da skouer ez eus 9 Calendreta (Artix, Béost, Espoey, Lescar, Lys, Oloron-Sainte-Marie, Orthez, Pau ha Poursiugues-Boucoue) hag ur skolaj dre soubidigezh e Pau !

Erruout a raio La Passem e Anglet, e Bro-Euskadi neuze. Met Anglet a zo en Adour-Izel, da lavaret eo un tiriad ma vez komzet kentoc’h gaskoneg/okitaneg gant ar re gozh ha n’eo ket euskareg. Ha pa vez komzet euskareg e Bro Anglet bremañ ivez.

Ar C’horrika evit an euskareg a grogo d’an 19 a viz meurzh, da lavaret eo a-raok La Passem hag hi ivez a dremeno dre Anglet ar bloaz-mañ !

Foto : Tapadenn skramm la Passem

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.