Un den a oa bet gwelet o skeiñ gant ur vaouez, skwar ar C’haraïb, e Sant-Maloù e miz gwengolo. Ur gwir saead keuneud ! Met piv e oa ar vaouez hag ar paotr-se eta ?
« Kamaladed kleiz » e oant. Un tunizian o vevañ e Breizh abaoe bloavezhioù eo ar paotr. E Tunizia en doa ur wreg hag e Breizh ur wreg kleiz. Reklem a reas e teufe e wreg a-drugarez d’al lezenn war ar strollañ familhoù. Asantet en doa ar Stad gall evel just ha setu ar wreg o tegouezhout e Sant-Maloù. Ya met ne oa ket mat d’an hini kleiz hag a gemeras kaz ouzh ar wreg ofisiel. Betek dont da glask gwelet anezhi gant ar c’hoant disachañ pep tra dezhi.
A-benn ar fin ne erruas ket betek dor he c’henamourouzez. Tapet e voe gant he gwaz war parkva e savadur ha skoet dirak tout an dud. Ur gwiskad bazhadoù ! Ne oa ket evit analiñ ken hervez testoù.
Kondaonet eo bet ar paotr dimeurzh 11 a viz genver evit kement-mañ. 12 mizvezh toullbac’h gant 8 mizvezh gant goursez. Ha mont a raio en toull-bac’h ar Maghrebian ? N’eo ket sur, ne oa ket dirak ar barner d’e brosez memes. O rouzañ en tu-all d’ar mor Kreizdouarel ?
N’eo ket bet lavaret netra gant ar c’hevredigezhioù feminist eus Bro Sant-Maloù.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
