E 2011 e oa bet graet ur c’hlub mell-droad diwar an daou a oa a-raok e Felger : an “AGL” hag an “Drapeau”. Evit bezañ efedusoc’h war an dachenn hag evit ma vefe aesoc’h ar merañ. Hogen, emañ renerien ar c’hlub o klask un anv nevez rak “AGL-Drapeau” a zo un tamm divlaz gouez dezho. N’eo ket ur souezh, gant ar re yaouankañ eo kentoc’h anvioù “etrebroadel” a zo bet kinniget : “Racing Club Fougères”, “Fougères City Football” pe “Sporting Club Fougères”.
Met tud all a fell dezho e vefe dibabet un anv disheñvel, ma vefe lakaet ar pouez gantañ war ar fed emañ Felger e Breizh, “Fougères Bretagne Football Club” da skouer hervez Luc Dugré, bet prezidant an “Drapeau” gwechall.
Ur sondadeg a zo bet lañset gant ar c’hlub war e lec’hienn internet. An holl a c’hell kemer perzh ha kinnig un anv e… brezhoneg pe gallaoueg da skouer !
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine