Estreget festoù studierien ha riboulioù a zo e Lambe’ ar c’harter eus Brest ma’z eus anv anezhañ e kanaouennoù Matmatah.
Abaoe bloavezhioù e vez muioc’h-muiañ anv eus ar c’harter evit an trafikañ dramm a zo o vreinañ anezhañ siwazh. D’ar 25 a viz ebrel e tegouezhas ar boliserien e Lambezelleg evit seurt afer. En ur c’hroaz-hent e oa ar c’hargidi o kontrolliñ ar weturioù. Gouzout a raent mat petra e oant o klask. Ur c’houplad a zo bet tapet ganto, “danvez” en o oto. Mont a reas ar boliserien ganto da deurel ur sell d’o ranndi ha bingo ! 76 sac’had a gannab ha 23 a gokain, mui arc’hant hag ur pistoled a oa en oto dija, er ranndi e vo kavet kalz muioc’h : 568 gram a gannab, 35 gram a gaokain en holl. 25 vloaz ar paotr ha 19 vloaz e zousig. Tud kollet…
Anavezet e oa ar paotr gant ar servijoù polis.
Barnet e vint war ar prim d’ar gwener 28 a viz ebrel
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
