Nag ur souezhenn ! Tud a zo bet arestet e An Oriant, Paris ha Bro-Spagn a-c’houde ar laeroñsi c’hwitet hag a oe bet e Loomis, ur pourchasour a Vank Bro-C’hall ag An Oriant d’ar 05 a viz meurzh. An deiz-mañ en doe klasket ur skipailh laeron-noz gober un toull e mogoer Loomis. Ostilhoù a-feson a oe bet feurmet gante evit he gober met dre ma gornas an alarm e rankjont tec’hout kuit en ur leuskel traoù àr ar leur : ur livn ha dreist-holl tammoù ADN.
Ha ne oe ket dianav an ADN-mañ d’ar boliserion. Hini ur laer anavezet mat gante e oe. Selaouet eo bet e bellgomzer e-pad mizioù hag a-benn ar fin eo bet komprenet get paotred ar polis piv e oe en taol. Tud é chom e Bro-Spagn hag e Paris a oe er jeu. Drogach, armoù, argant a zo bet kavet d’an 29 a viz eost (met embannet eo bet d’ar 5 a viz gwenholon get ar polis) pa fardas poliserion SRPJ Roazhon ha re an OCLO (Office centrale de lutte contre le crime organisé) àr an tier ma oa tout an dud-se é kousket. 11 en holl a zo bet arestet. “Ur skipailh” reve an SRPJ Roazhon.
Paris…Bro-Spagn…drogach…armoù…. peseurt doare tud eo ar re-se ? Tud ar C’hasa del Papel pe tud egzotikoc’h ? Hag ur mennozh ho peus tudoù kaer ?
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
