E pep lec’h e Breizh hag e Bro-C’hall emañ tud ar skolidi o vanifestiñ hag oc’h ac’hubiñ skolioù evit derc’hel o mistri-skol hag o c’hlasoù kondaonet gant an Deskadurezh-Stad. Hervez ar rektored n’eus ket erlerc’hierien pe mistri skol testeniet a-walc’h evit bastañ tout an ezhommoù. Dre faot piv ?
E Landivizio, Penn ar Bed, e skol Notre-Dame des Victoires o doa gwelet bugale ar CP-CE1 divyezhek seizh mestr-skol abaoe miz here 2022. An hini diwezhañ a zo ehanet abaoe miz genver. Kavet e oa bet gant ar skol ur vamm-gozh a-zoare evit ober skol : Andrée Moigne. Ur vrezhonegerez a-vihanik eus Bro-Leon (Plouzeniel) eo hag he deus an holl ziplomoù rekis : ar master hag ar genstrivadeg. An holl vugale hag o zud a venn dezho he mirout ! Ur vaouez ampart war he micher eo hag ganti e vez klevet ur brezhoneg c’hwek gant ar vugale, un dudi he c’hlevet !
Ya ‘at ! Met tapet he deus he 70 vloaz e miz c’hwevrer hag hervez ur reolenn sot eus ar melestraj n’he deus ket droad bezañ paeet ken hiviziken. Chom a raio ar vugale hep mestrez-skol hag hi a vo kaset endro d’he zi. E Plouzeniel emañ Andrée Moign o chom, ganti e vez paeet an esañs evit mont da Landi met kenderc’hel a ra memestra. Evit ar vugale hag evit ar brezhoneg, hor yezh sakr.
Skrivet o deus ar vugale da Emmanuel Macron, paeet zo bet ur skodenn gant o zud evit ober ur gopr da Andrée. 11 000€ a zo bet rastellaet en holl, gallout a raio bezañ paeet betek fin ar bloavezh-skol. Met goude ? Hag aberzhet e vo 12 bugel war aoter ar reolenn XB27-2 ?
Emañ Breizh o vervel diwar pouez ha galloud ar melestraj sovietek a zo mestr warnomp e Paris hag e Bruxelles !
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
3 réponses à “Landivizio : ar vestrez-skol a ra 70 bloaz, ne vo ket paeet ken !”
Qui , mieux quemacron peut comprendre cet attachement à une “vieille maitresse d’école “?
Ur vaouez 70 vloaz. N’eo ket reizh ‘a ra’ amañ eveljust.
An afer-mañ a ziskouez pegen diskiant eo al lezennoù pa viront ouzh an unan da labourat daoust maz eo yac’h !
Ur vestrez-skol a ra 70 vloaz = une maîtresse d’école qui a plus de 70 ans. Tro-lavar.