Chom a raio en toull-bac’h ! D’ar 26 a viz ebrel e tivizas lez-varn Roazhon da leuskel er prizon unan eus ar Roumanianed a zo diskred warno « gweladenniñ » ar burevioù-butun eus Penn-ar-Bed hag Aodoù-an-Arvor. Etre miz kerzu 2022 ha miz meurzh 2023 e oa bet laeret c’hoarioù da gravat, sigaretennoù, objedoù hag arc’hant e 13 burev butun eus kôrnog Breizh. 3 Roumanian a oa bet tapet o foltred gant kameraioù eveshañ ar c’henwerzhoù ha adkavet e oant bet da c’houde a-drugarez d’ur meziant digejañ an dremmoù.
Furchadeget e oa bet o ranndi eus Brest hag aze e oa bet adkavet prouennoù a bep seurt gant ar boliserien : kartouchennoù sigaretennoù, pakadoù butun ha kartennoù da gravat.
Hervezo o doa graet tout-se evit « paeañ un oberatadenn d’un niz klañv dezho ». Siwazh dezho, n’eo ket bet kendrec’het ar varnerien…
Da c’hortoz o frosez e kendalc’hint da gousket en toull-bac’h.
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
