Goude ur mizvezh en toull-bac’h n’eo ket gwall fier ar paotr : un den eus « Ponta » a oa barnet d’ar meurzh 6 a viz eost gant lez-varn Brest evit bezañ skampet kuit gant e oto dirak poliserien hag a glaske kontroliñ anezhañ. E-pad 30 munutenn e voe graet tout ar pezh a oa difennet d’ober a-dreñv ur rod-stur gantañ : treuziñ al linennoù gwenn, tremen pa oa ruz al lutig, mont a enep-red ha dreist-holl plantañ tizh e straedoù ma oa dañjerus tre d’hen ober.
Keuz zo deuet gantañ dirak ar barner (hervezañ). Met re ziwezhat e oa ! Displegañ a reas ne felle ket dezhañ bezañ tapet gant ar boliserien rak goursez e oa war e chouk abalamour d’ur gondaonidigezh diwezhañ.
A-benn ar fin e teuas a-benn ar boliserien da lakaat an dorn warnañ. Met ne oa ket echu an afer rak kavout a rejont dramm e-barzh an oto ha muioc’h c’hoazh e-barzh e gambr eus oaled al labourerien yaouank. Ostilhoù an trafikour dramm a oa gantañ zoken : ur bouezerez, kannab, kokain. Hervezañ ne oa ket un trafikour, ur « vagerez » ne lavaran ket. Delc’her a rafe dramm en e gambr evit unan all.
Ha kredet eo bet gant ar barner ! Ya ! Da 18 mizvezh toull-bac’h en o zouez 9 mizvezh gant goursez eo bet kondaonet nemetken. Ha n’eo ket bet torret ar goursez kozh ha lesket eo bet da vont evit an dramm zoken !!! N’eo ket dre e faot, ur « paotr bihan » eo c’hoazh en e benn…
Forzh penaos eo bet lesket da vont da vat goude ar prosez. Distroet eo d’ar gêr. Dav e vo dezhañ mont da wel barner dedalvezout ar c’hastizoù ! Ma peus c’hoant evel just…
Crédit photo : DR
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
