Echu gant Ai’ta ? Setu « Brezhoneg Gallo Koaz » pe BGK, ur strollad kuzh nevez hag en deus « «Distaliet » nevez zo « pannelloù e galleg evit gwirioù hon yezhoù (ar brezhoneg hag ar gallaoueg aze) ». Setu ar c’hemenadenn a zo bet kaset war ar rouedadoù sokial :
«Distaliañ pannelloù e galleg evit gwirioù hon yezhoù »
O paouez reseviñ kemenadenn ur strollad anvet Brezhoneg Gallo Kaoz (BGK) emaomp. Goude bout lennet dezrevell diwar benn digresk ar vrezhonegerien-ezed ha gallaouegerien-ezed, oc’h en em c’houlenn emañ ar strollad-mañ ; daoust hag-eñ e oa deomp da c’hortoz muioc’h en em zihunfe an ensavadurioù e Breizh, pe deomp da gregiñ ni hon-unan get al labour ?
Setu ar strollad o kregiñ ‘barzh en ur dennañ pannelloù-hent skrivet e galleg nemetken.
Ar pezh a vez goulennet gantañ ; lakaat e pleustr ur bolitikerezh wir e brezhoneg, henchet gant ensavadurioù breizhad. Kaset eo bet deomp luc’hskeudennoù. Douar ha Frankiz en deus asantet bout an disklerier evit o c’hemenadenn, bremañ, ha b’an dazont.
Bevet Douar ha Frankiz – Bevet Brezhoneg Gallo Kaoz !
Ur video a zo bet kaset war ar rouedadoù sokial gant Douar ha Frankiz.
Hervez ar video-se e servijo Douar ha Frankiz, ur strollad diouzh al lezenn, da vouezh-aotreet BGK.
E berr komzoù : graet e vo taolioù dindan guzh evit ar brezhoneg hag ar gallaoueg gant Brezhoneg Gallo Kaoz met Douar ha Frankiz an hini eo a sammo atebegezh an taolioù-se.
Crédit photo : Tapadenn skramm kont Facebook Douar ha Frankiz
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
