A-wezhioù ez eus peadra d’en em c’houlenn petra ‘ra seurt c’hwilhed en hor bro… ha perak ne vez ket kondaonet anezho da zegadoù a vloavezhioù toull-bac’h e-lec’h ober daka war o dorn bewech m’en em gavout a reont dirak ar barner !
E Bro-Naoned e veze laeret otoioù tro miz ebrel-mae 2023. E Bro-Klison dreist-holl. Goude-se e veze cheñchet plakennoù ar c’hirri-tan hag adwerzhet dre ar rouedadoù sokial. Simpl an traoù ! Evel just e veze laeret ivez tout an traoù a oa en otoioù-mañ. Met an objedoù-se o deus traïset al laeron rak kavet int bet ganto pa oa degouezhet ar boliserien d’o zapout.
Ar re a zo prezantet d’ar barner d’an 20 a viz mae e Naoned a zo hir o roll lez-varn, hir evel un deiz hep butun ‘m eus aon : Diwar ar pevar den tamallet, unan nemetken a oa dirak ar barner, ar re all a oa dija en toull-bac’h : unan en deus 11 menneg war e roll, emañ prizonet evit bezañ klasket palforsiñ e c’hoarezed ! An eil a zo e Fresnes evit un afer all hag ar pevare hini a zo dindan gulatoriezh kreñvaet. Ne ouier ket hag e c’hello bezañ barnet pe get zoken. 20 vloaz eo. Ur brizachadenn psikiatrek a zo war ar stern evitañ.
A-benn ar fin int bet kondaonet da 30 mizvezh, daou vloavezh hag ur bloavezh a doull-bac’h.
Betek ar wezh kentañ !
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
