E miz even 2021 e oa bet divizet gant eskopti Naoned serriñ ar skol Saint-Fernand e Sant-Marzh-an-Olivenn hep an disterañ abeg. Ha padal, arc’hant a oa bet roet gant tud Sant-Marzh-an-Olivenn da reneveziñ an toenn, an horolaj ha traoù all c’hoazh. N’eo ket bet displeget ar rak hag ar perak eus e diviz gant an eskopti. Hag abaoe emañ tud Sant-Marzh en entremar.
Kerkent ha miz gouere 2021 ez eus bet savet ur c’henstrollad gant tud ar gumun da sevel o mouezh a-enep seurt diviz “diktatour” (poz dezho) ,“Sauvons Saint-Fernand” e anv. E douaroù marzoù Breizh emañ katolik an dud ha kalz a dud a zo bet skoliataet er skol-se hag o bugale ivez. Da c’hortoz gouzout hiroc’h eo bet kaset ar vugale en ur c’hozh skol, Sainte-Thérèse, ha n’eo ket evit degemer kement ha skolidi, hervez o zud.
Fellout a ra da dud Sant-Marzh kompren petra zo kaoz eo bet serret o skol ken trumm ha gouzout petra vo graet anezhi bremañ. Ne fell ket dezho e vefe distrujet da skouer. Ur petision a zo bet lakaet en-linenn evit souten o arc’hadur.
Foto : petision “Sauvons Saint-Fernand”
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
