E Dol zo bet digoret ur greizenn evit « minored » diambroug d’ar 4 a viz even. Leun-chouk eo dija ! Ar maer Denis Apinel eus an UDI a zo laouen-kenañ gant-se ! « Forzh penaos e fell d’an 22 zen yaouank-se en em framañ er gevredigezh european, arabat gwelet ar greizenn-mañ evel ur gourdrouz » eme an aotrou maer. Eñ eo en deus reklemet ar greizenn-mañ ha soutenet en deus ar raktres abaoe ar penn-kentañ. « Muioc’h-mui minored diamroug a zo neuze eo deomp da reiñ bod dezho » emezañ. Met perak ar foeltr ne zegemer ket anezho en e di dezhañ neuze ?
Ar pezh zo iskis memestra : diwar 22 minor ez eus…2 blac’h nemetken !
920 « minor » estrañjour a zo kemeret e karg gant an departamant er mare-mañ, ar pezh a goust 23 milion a euroioù bep bloaz !!!! Muioc’h evit 2 milion € en deus koustet prenadenn herberc’h yaouankiz Dol hag ar reneveziñ. Ha koust a raio 875 000€ bep bloaz d’ar vretoned eus Il-ha-Gwilun evit ar mont en-dro.
23 milion a euroioù bep bloaz evit estrañjourien hag ar c’hevredigezhioù breizhad o fritañ mizer er mare-mañ ! Gant ar vezh !
Ha c’hwi a gred ez eus bet roet un anv breizhad d’ar greizenn-mañ ? Tamm ebet ! Un anv bambara an hini eo. « Sabali » eo anv ar greizenn, da lavaret eo « ar peoc’h » e bambara.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
