Bloaz zo e oa un nozvezh a wallhunvreoù o kregiñ evit un den eus Sant-Maloù : o kousket e oa hag a-daol trumm e welas pevar den o vont tre en e di. Kougoulioù war o fennoù, armoù gante. Sailhet o doa warnañ ha gourdrouzet. En o zle e oa, un dle a zramm ! Mont a rejont kuit gant ur gitar hag un urzhiataer a-benn ar fin. Evit « dizleañ anezhañ ».
Antronoz memestra ez eas ar penn-dramm da welet ar boliserien. Ha ne voent ket pell evit lakaat an dorn war a dagerien. Anat deoc’h e oant anavezet mat gant ar paotr o doa raketet.
D’an 12 a viz even e oant 3 dirak barner Sant-Maloù. Ar pevare hini a zo minor anezhañ, barnet e vo diwezatoc’h.
Evel just, den ebet n’eus graet un dra bennak. E oant holl er-maez eus an ti tra ma oa « ar re all » oc’h ober aon d’ar paotr.
Klask a reas brutaer unan anezhe teneraat ar barner : « e gwreg a zo e toug », « e implijer a zo o c’hortoz anezhañ abaoe bloaz ».
A-benn ar fin setu int kondaonet da dri bloavezh a doull-bac’h gant 18 mizvezh gant goursez. Ne’z int d’an toull-bac’h en-dro met rankout a raint chom er gêr dindan dro-vrec’h elektronek. Ha dirak ar Wii noz-deiz ?
Na kriz eo ar justis e Bro-Frañs !
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
