E miz meurzh e voe tapet 1,4t a ganab e Gironde. Ur seurt go-fast e oa gant kirri-tan a tont eus Bro-Spagn. Memes mod d’ar 21 a viz even e Pireneoù Atlantel pa voe tapet ur go-fast all gant ar polis. Ha pa voe hejet ar wezenn koko gant ar boliserien e komprenas e oa ur skipailh eus Naoned a oa e penn ar jeu. Liammet gant tud eus Paris hag eus ar Seine Saint-Denis evel just kar n’eo ket ar « mitan kozh » eus Naoned a gemer perzh en aferioù e-giz se, hini ar bannlevioù ne lavaran ket.
Abaoe miz meurzh eo 3,5t a ganab ha 26kg a gokain a zo bet rastellaet gant ar boliserien memestra. Ha 10 den a zo bet kaset d’ar prizon. E Naoned ez eus muioc’h-mui a dramm ha, dreist-holl, emañ ar skipailhoù eus Malakoff pe Bellevue o kemer ur plas brasoc’h-brasoc’h en trafik etrebroadel.
Met n’haller ket lavarout amañ peseurt doare tud a gemer perzh en trafik-mañ.
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
