Gant Ouest-France zo bet embannet ur pennad diwar-benn ar stajoù 6 miziad evit deskiñ brezhoneg. War a seblant ez eus nebeutoc’h-nebeutañ a dud o teskiñ yezh Pêr-Jakez Helias ha dav eo d’an aozadurioù stummañ en em unvaniñ evit en em embreg : ur roll eus o stummadurioù hag ul lec’hienn internet voutin a vo savet ganto.
« Nebeutoc’h-nebeutañ a dud o teskiñ brezhoneg » perak ? Peseurt ensavadur publik pe stad gall bennak a vo tamallet gant an Emsav amañ ?
Peseurt micher a c’heller ober e brezhoneg e 2025 ? Kelenner. Kelenner pe skoazeller ha setu tout. Evel just ez eus postoù all a-wechoù met ur pezh ral eo. Hag un enkadenn war micherioù ar c’helenn a zo er mare-mañ ivez. Ne fell ket d’an dud bezañ kelenner e skolioù, skolajoù pe liseoù evit bugale desavet fall, kerent foll mui « koroll ar c’hontili » o tañsal en-dro da forzh peseurt kelenner bremañ. Perak en em lakaat en arvar en ur c’hlas evit 1600/1700€ bep miz ?
Met gwasoc’h evit bed ar c’helenn a zo. Emañ bed ar brezhoneg en arvar eñ ivez. Peogwir emañ dindan dalc’h ar gaochisted. Dindan dalc’h ar wokism. Hag ar re ha n’int ket gaochist hag a fell dezho kemer perzh er bed-se memestra a vez heskinet. Peseurt brud a zo gant ar brezhoneg bremañ ? N’eo ket mui yezh ar vretoned diwar ar meaz, yezh Pipi Gouer eus Breizh-Izel, yezh ar vretoned o botoù sonn war an douar, yezh ar voboed eus an tu-kleiz o chom e kêrioù bras eus Breizh-Uhel ne lavaran ket.
Ar radioioù e brezhoneg a zo wok penn-kil ha troad, ar c’hazetennoù e brezhoneg a zo ken wok all, ar ganerien ha kanerezed e brezhoneg a gan evit emvodoù-meur Roazhon 2, piv bennak a c’hell en em hevelebiñ ouzh ur yezh e-giz se ? Goude ar brezel e oa c’hwezh Breiz Atao gant ar brezhoneg, bremañ eo c’hwezh an LGBT++ pe Yann Bobo Kinoa.
Poent eo d’an dud normal kemer perzh e-barzh bed ar brezhoneg en-dro. Evit reiñ d’hor yezh ur skeudenn normal, pell eus ar wokism bzh !
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
5 réponses à “Nebeutoc’h-nebeutañ a dud o teskiñ brezhoneg, perak ?”
« Poent eo d’an dud normal kemer perzh e-barzh bed ar brezhoneg en-dro. Evit reiñ d’hor yezh ur skeudenn normal, pell eus ar wokism bzh ! »
Emezelit e Emglev An Tiegezhioù evit sevel tiegezhioù kreñv, kristen ha gant bugale niverus.
Ar brezhoneg zo ret dezhañ bezañ komzet ER GÊR hag e pep lec’h. N’eo ket er skol nemetken pe d’ar Sadorn er manifestadegoù.
https://emglev.wordpress.com/
Ar wir ‘zo gant ar paotr en-eus skrivet an artikl-se. Evel just ‘maon a-du gant Emglev!
Ce serait bien de nous mettre une traduction en français pour ceux qui n’ont pas le privilège de connaître la langue bretonne…
da vBrun : Google translate. Roit peoc’h deomp en an’ Doue !
@Brun – Oui, Google a bel et bien intégré le breton dans ses traductions ! J’ai saisi le texte « Roit peoc’h deomp en an’ Doue ! » de notre ami T.Gwilhmod et le logiciel a traduit « Donne-nous la paix en Dieu ! »