Ha c’hoant ho peus da sellet ouzh ur film pe un abadenn e brezhoneg an noz-mañ ha n’eo ket mont war Netflix ? Bremañ zo moaien d’hen ober gant Kleweled, ar savenn gouestlet d’ar c’hleweled e brezhoneg.
Digwener tremenet eo bet lañset ar porched-mañ e ti ar Rannvro e Roazhon gant Paul Molac ha Kaourintine Hulaud, bez-prezidantez ar Rannvro e-karg eus yezhoù Breizh.
Krouet eo bet kleweled evit « lakaat war wel pegen pinvidik ha liesseurt eo an dachenn sevenadurel-mañ. Bodañ a ra ar porched en ul « lec’h » niverel hepken endalc’hadoù brezhonek an oberourien disheñvel a-vremañ. Evel-se e c’hall pep hini, pe e vefe un deraouad pe e ouife brezhoneg mat, kaout ur sell hollek war kement tra produet e brezhoneg ha kavout aes ar pezh a glask en ur zizoleiñ mediaoù pe programmoù all dianav dezhañ a-raok ivez ken buan all. »
War kleweled e c’heller selaou ar radioioù e brezhoneg war-eeun pe selaou ar podskignoù, sellet ouzh ar filmoù hag abadennoù Frañs Tri pe Brezhoweb ha memes lakaat ar vugale dirak ar skramm d’ar mintin o sellet ouzh tresadennoù-bev e brezhoneg, e-keit m’emañ mammig oc’h en em brientiñ (nebaon, tout an dud a ra se !)
Bremañ eo poent produiñ abadennoù radio e brezhoneg (evit an tele n’eo ket memes mod, a-c’hras doue !) ha n’int ket wok, feminist, didrevadennour, hag all … Ha se zo un afer all !
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
2 réponses à “« Kleweled » : partiet eo !”
Digarezit ac’hanon, met Partiet eo ! a sinifi : Aet eo kuit ! N’emañ ket aze ken ! Aet eo diwar wel !, ha n’eo ket : Kroget eo ! Lañset eo ! Gwelet ‘vez ar galleg C’est parti ! a-dreñv…
da Herri. Gwir eo, fazïek eo, met er yezh emañ bremañ abaoe pellik zo. Setu daoust maz eo faziek e-kenver yezhoniezh e ranker stadañ ez eus eus an arster mañ gant « partiet ». Er geriadurioù da zont e vo ret lakaat an daou ster :1- Partiet eo : aet eo da anaon, aet eo kuit 2 – Lañset eo