Hervez Ofis ar brezhoneg e vefe 8000 brezhoneger e tolpad-kêrioù Gwengamp-Pempoull, en o zouez 900 skoliad divyezhek. N’eo ket sur int holl brezhonegerien oberiant met arabat pismigañ kar ur gwir douar ar brezhoneg bev eo ar c’hoñtre-mañ, etre Treger ha Goueloù. Setu perak e oa bet roet, d’an 12 a viz even, label live 1 ar garta Ya d’ar Brezhoneg gant Ofis ar Brezhoneg d’an tolpad-kêrioù-mañ. Dalc’het e oa bet al lid-mañ asambles gant Vincent Le Meaux, prezidant an tolpad-kêrioù, ha Virginie Doyen, kuzulierez dileuriet evit Buhez ar c’hevredigezhioù hag ar C’henober keodedel.
Ha bremañ, petra vo ar pal nevez ? Tizhout al live 2 ?
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
