D’ar 6 a viz gwengolo e vo un emvod-meur mod « Breizh Storming » e Karaez, plasenn an ti-kêr, « Breizh a Live » e anv. D’an deiz-se e vo pedet ar Vretoned da brederiañ asambles war dazont ar brezhoneg hag ar sevenadur breizhad. Gant an enkadenn a-vremañ o doa ezhomm an emsaverien ha tud ar sevenadur d’en em gavout evit klask dirouestlañ ar problemoù asambles.
D’an noz e vo ur sonadeg gant Denez, Gwennyn, Jean-Charles Guichen, Tekmao, Clarisse Lavanant, Brieg Guerveno, Plouz ha Foenn, B.R.E.T.O.N.S, Madelyn Ann, Dom Duff, Aziliz Manrow, Forzh Penaos ha Shô. Marteze e vo sonerien all el listenn.
Met daoust hag e vo un emvod ouzhpenn ? Ur sonadeg ouzhpenn ? Un degouezhadenn ouzhpenn ma vo roet ar gwir da gomz d’ar memes re ha ma vo bilhet ar re o deus un dra all da lavarout ? Hag e vo « Breizh a Live » un emvod ouzhpenn eus ar « Bedig » pe ur gwir adsav ?
Breinet eo an Emsav gant ar gaochism. N’eo ket d’ar 6 a viz gwengolo e cheñcho an traoù ‘m eus aon. Re bell eo aet an Emsav, re zon gwrizioù e gleñved spered evit gellet cheñch ha digeriñ e zaoulagad.
E Karaez neuze d’ar 6 a viz gwengolo e vo bannieloù palestinian, LGBT ha bannieloù ruz. Hag arzourien war al leurenn o c’houlenn an aluzenn dirak ar Bedig mui daou pe dri penn boeson eus Karaez o tañsal. Evel boaz…
Crédit photo : DR (photo d’illustration)
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
