N’eo ket gant distro ar gwennili e vez kelaouet tud Liger-Atlantel emañ arruet an hañv, gant distro ar c’haravanennoù ne lavaran ket. E Gwenrann emañ 300 anezhe o paouez en em staliañ en ur park prevez war bord hent ar Groazig. Kelaouet eo bet ar maer Nicolas Criaud gant ur gemenadenn Facebook !
Ha koulskoude e oa bet lakaet blokoù betoñs e mont-tre ar park met kavout ar reas ar « veajourien » ar moaien da ziblasañ anezhe ha da silañ o c’haravanennoù er park. Dibosubl skarzhañ anezhe bremañ !
E Saint-André des Eaux, nepell eus Gwenrann, e voe klasket ober ar memes tra disul paseet gant ur strollad termajied met dont a reas a-benn an ti-kêr da herzel gante.
Leurioù tremen bras a zo e Bro Gwenrann koulskoude met chikan a zo etre meuriadoù ha darn anezhe ne fell ket dezhe en em veskañ gant strolladoù all.
Hag ar « bevañ asambles » neuze ?
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
