Ur skol e korseg dre soubidigezh a vo digoret a-benn miz gwengolo e Korsika. E Luciana ar wech-mañ e vo digoret ar skol, da lavaret eo e Korsika-Uhel nepell eus div skol korsek all. Daou vugel a vank c’hoazh evit ma vefe klok ar c’hlasad, avat.
Gant ar skol-se e klask Scola Corsa, seurt Diwan eus Korsika, kreñvaat he rouedad e norzh an enezenn gant ar soñj digeriñ ur skolaj deiz pe zeiz. Hag ur soñj mat eo rak e CE2 eo erruet ar vugale skoliataet er skol kentañ e 2021.
E 2021 neuze e oa bet digoret ar skolioù kentañ, e Bastia ha Biguglia, en norzh atav, ha neuze e Sarrola-Carcopino, er su, e bro Aiacciu, hag e Corti e kreiz e 2022. En holl ez eus 220 skoliad ha 13 klasad.
Abaoe miz mae eo kevrataet ar rouedad Scola Corsa gant an Deskadurezh Stad gall, ar pezh a dalv e vo paeet ar skolaerien gant ar stad hiviziken.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
