Gwengamp – An Oriant : ur melezour war enep

Me zo bet o welet ar match Gwengamp – An Oriant disadorn tremenet. Ur match « evit netra », a vignoniezh. E Pabu e oa, en « Akademi », kreizenn stummañ an EAG.

Souezhus e oa ar match. Ha kentelius ivez.

War an dachenn e oa 90% a vegoù du. Daou skipailh breizhad, ur breizhad pe zaou o c’hoari. War a seblant ez eus bet titlet un diwaller nevez gant an EAG, ur paotr yaouank gant un anv breizhad ha laouen e oa ar speaker da embann e oa bet « gopraet ur Breizhad yaouank gant ar c’hlub ». E Gwengamp, ar « c’hlub pato » eo deuet da vezañ un dra dreistordinal. Ma…

Ha ne cheñcho ket ar bloavezhioù a zeu me ‘bari kar yaouankizoù an « Akademi » a oa war bord an dachenn. Gwisket gant dilhad sport livioù an EAG warne. En ugent bennak en holl. En o zouez, daou pe dri veg gwenn nemetken.

Hag ar publik ? Begoù gwenn an holl anezhe pe dost. Evel an dud a youl vat a oa war bord an dachenn evit ar surentez pe evit heñchañ an arvesterien. Tud kozh eus ar vro, suportourien an EAG moarvat.

Memestra er skipailhoù teknik : ar gourdronerien, ar renerien sportel, ar c’hoskor medisinel, ar luc’hskeudennourien, … Ha geo ! Un den du a oa e-barzh skipailh ar luc’hskeudennourien ! Gantañ ur mell a venveg foto ouzhpenn-se. Marteze an hini brasañ ! Surawalc’h eo an den-se un den barrek war e vicher.

Panevetañ e oa « rannet »-tre an abadenn ar sadorn-mañ e Gwengamp. Er football gall n’eus ket mui a c’hoarierien gwenn pe dost. Iskis eo memestra. Evel er basket amerikan.

Met en tribunelloù ha war bord an dachenn eo ar c’hontrol eo. E Breizh d’an nebeutañ. Evel ma vefe an daou spas ur seurt melezour war enep.

Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine