Embannet e vo e fin miz Gwengolo stumm dibenn al levr “AR BREZHONEG DRE GOMZ ER C’HLASOÙ SKOL-VAMM”. Ur seurt boest-ostilhoù evit aozañ abadennoù a-bep seurt dre al lidoù, ar c’hornioù-c’hoari hag obererezhioù lies evit komz ha lakaat ar vugale skol-vamm da implij ar yezh !
Emañ Ofis publik ar Brezhoneg o labourat war un adlenn diwezhañ hag un adlenn a-fed termenoù da vezañ implijet. Un tamm dale ‘zo gant an deiziataer kentañ. Embannet e vo al levr-mañ evit un embannadur e stumm PDF gant liammoù hag a gas da zanvezioù all (TES da skouer).
Setu ar pezh a zo bet embannet nevez zo gant ar strollad Kelennomp.
Ganet eo bet al levrig-mañ diwar meur a levezon disheñvel : da gentañ ar skiant-prenet tapet gant ur skolaer, Renan Kerbiquet, bout kelennet e skol-vamm e-pad un nebeut bloavezhioù, ha da c’houde ul labour enklak kaset gantañ e-barzh e glasad skol-vamm e-pad ur master Enklask war an didaktelezh – labo CREAD / skol-veur UBO/ ESPE Breizh .
Donaet eo bet al labour-mañ dre un dezenn war ar stern e skol-veur Roazhon 2, evit keñverian ar mod ma vez kelennet ar yezh e-pad an 3 bloavezh kentañ er skol pe er rak-skol etre Breizh ha Kembre gant bugale eus familhoù ne gomzont ket ar yezh er gêr.
Levezonet eo bet an teul-se neuze gant ar programm « Croesi i’r Bont » ( treuziñ ar pont) savet gant ar rouedad « magourioù » Mudiad Meithrin, e Kembre, evit bugale etre 2 ha 4 bloaz.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
