E skol boulouard ar republik e Karaez e vo serret ur c’hlas divyezhek gant ar rektorelezh. Evel just o deus savet o mouezh tud ar vugale a-enep ar serradur-mañ, Paul Molac en deus embannet e oa a-du gante, Mélanie Thomin, ar gannadez PS eus Kornôg Kreiz Breizh ivez, Philippe Guillemot, kuzulier an departamant, Kristian Troadec evel rezon, …
Met Christine Moalic, renerez akademikel Penn-ar-bed, a ra skouarn vouzar d’ar gerent. Embannet eo bet gant an Deskadurezh-Stad e vo serret ur bern klasoù ha skolioù er c’humunioù war ar maez ha kompren a raer mat ar pezh a zo a-dreñv an diviz-mañ : lakaat muioc’h a arc’hant ha kelennerien e kêrioù zo diwar-goust ar skolioù war ar maez met ivez, dav eo lavaret ar wirionez, diwar-goust departamantoù evel ar Seine Saint-Denis ma vo kollet 67 post a gelennerien er skolioù kentañ derez ha 181 klas.
Ha, war un dro, e vo digoret postoù er c’humunioù tro-dro da gêrioù bras evel Tolosa, Montpelhier, Naoned, Bourdel met ivez er Bouches du Rhône (Marselha) m’emañ… war-ziskar an niver a skolidi koulskoude ! Met gouzout a reer holl perak e vez moumounet seurt departamant….
En Il-ha-Gwilun e vo serret 29 post, 24 e Penn-ar-bed, 17 e Mor Bihan, 16 e Aodoù-an-Arvor ha 66 e Liger-Atlantel. Ha c’hoazh, al lodenn vrasañ anezhe a vo serret war ar maez (en norzh hag er c’hôrnog dreist-holl) tra ma vo digoret re nevez tro-dro da Naoned pe e su al Liger kar muioc’h-mui a dud pinvidik a ra annez er broioù-mañ.
En Il-ha-Gwilun e vo tamm-pe-damm ar memes tra. Digoret e vo klasoù (sur) e (sifroù SNUipp 35) :
- Saint-Jacques-de-la-Lande
- Acigné
- La Mézière
- Pacé
- Roazhon (meur a skol)
- Vignoc
- Chavagne
- Sant-Maloù
- Bourgbarré
- Brécé
- Chantepie
- Guignen
- La Ville-ès-Nonais
- Mordelles
- Saint-Aubin-du-Cormier
Ha serret e vo e :
- Dol-de-Bretagne
- Le Pertre
- Combourg
- La Guerche-de-Bretagne
- Montgermont
- Roazhon
- Saint-Grégoire
- Laillé
- Liffré
- Montauban-de-Bretagne
- Mordelles
- Pacé
- Pleumeleuc
- Saint-Gilles
- Saint-Jouan-des-Guérets
- Thorigné-Fouillard
- Vern-sur-Seiche
- Argentré-du-Plessis
- Bourg-des-Comptes
- Bruz
- Chasné-sur-Illet
- Châteaubourg
- Dinard
- Gahard
- Guichen
- Guipry-Messac
- Hirel
- Langon
- Lohéac
- Maxent
- Mernel
- Montreuil-sur-Ille
- Mouazé
- Nouvoitou
- Pipriac
- Pont-Péan
- Roz-sur-Couesnon
- Saint-Broladre
- Saint-Lunaire
- Saint-Sulpice-la-Forêt
- Saint-Thurial
- Sens-de-Bretagne
- Tréffendel
Da lavaret eo kentoc’h war ar maez (estreget kêrioù zo met er c’hêrioù-mañ e vo digoret klasoù ivez !)
Hag e Penn-ar-Bed ? E departamant-mañ e vo sklaeroc’h an traoù c’hoazh. Digoret e vo skolioù tro-dro da Vrest, e Gwipavaz, e norzh Kemper, e Bro-Fouen (ma vez ker-ruz ar madoù-leve !) hag e kumunioù zo eus an Arvor.
Ha pelec’h e vo serret skolioù mut-hu ? Er skolioù bihan eus Menez-Arre, Kreiz Breizh, Poc’hêr, hag e Kerne-Izel ma vez war-ziskar an niver a vugale.
Sklaer ar jeu neuze : diaesoc’h-diaesañ e vo an traoù evit ar familhoù a zo o chom war ar maez. Ha nebeutoc’h-nebeutañ a familhoù o do c’hoant d’en em staliañ eno.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
