A-benn nebeut e vo an distro-skol !
Ar gelennerien a c’hello adkavout ar vugale « dis- » pe HPI pe TDAH pe aotek « autodiag » pe get pe ne ouzon petra c’hoazh. Kant liv a glañved-spered, kant program disheñvel !
Ar mistri-skol zo vont d’ober anaoudegezh gant tud nevez, tud ar vugale a gomañso ar skol ar bloaz-mañ. Hag ar re nevez a zo diaesoc’h evit ar re gozh hervez kont. Bremañ, dav eo teurel evezh ouzh ar raganvioù, ar jener, an « ezhommoù dibar » hag ar « fromadennoù » a-raok deskiñ d’ar vugale lenn, skrivañ ha kontañ.
Ar re washañ eus ar gerent n’int ket niverus met ober a reont trouz. Ha gallout a reont ober un teilad trouz en ur skol.
Met, dav e vo teurel evezh ouzh ar gelennerien eus an tu-kleiz ivez. E 2027 e vo ar votadegoù prezidant hag emaint o vont da dreiñ sot gant-se. Graet e vo propaganda ganto met n’hallo den ebet kavout abeg ba se. Ur gaochist a c’hell ober politikerezh er skol, un dra normal eo kar eñ zo e Kamp ar Mad. Ha ma vez lavaret un dra dezhañ e hucho war ar rouedadoù sokial, e lako e sindikad (eus an tu-kleiz) er jeu hag all.
Forzh penaos, ha pa vefec’h ur gelenner bennak pe un den bennak hag en deus e vugel er skol, ne vioc’h ket sikouret gant an Deskadurezh-Stad ma’z eus un dra a-dreuz. « Tamm reuz ebet », « Pas de vague » e galleg.
Ar Skol zo klañv. Ha pa vefe Diwan, ar skolioù publik, prevez, ne vern. Klañv eo bed an Deskadurezh. Klañv eo ar gevredigezh a-bezh.
Chañs vat d’ar gelennerien « normal » evit an distro-skol, chañv vat d’ar vugale « desavet mat » (p’o defe diaesterioù pe get) evit an distro-skol ha chañs vat d’o zud. Kar ar bloaz-mañ c’hoazh, ar re normal, ar re seven, ar re boli hag ar re a labour a vo atav dindan diktatouriezh ar re n’int ket.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
2 réponses à “Distro-skol : etre ar vugale ha n’int ket mestr war o nerzhioù, o zud torr-penn hag ar gelennerien gaochist, chañs vat d’ar re all !”
Echuet gant ar vakañsoù poent d’al lezireien krog ‘barzh al labour. Pa edon (e oan) e skol a Ripiblik e Kemper morse ar c’helennerien a lâre deomp evit piv votiñ!
Ar bloaz-mañ e vo c’hoazh poellgorioù displet war ar « gevatalded plac’h-paotr », kelennerien eus an tu-kleiz evit pouezañ war raktresoù ha lod o tifenn ar reizhskrivañ « inclusif ».