Pembo, atav, Pembo adarre… Abaoe bloavezhioù e vez komzet eus Pembo, ur gumun vihan war bord al Liger, evit an disevenderioù a zo e kêr hag an trafikoù a bep seurt. Ha padal e c’hellfe bezañ sioul ha didrubuilh ar vuhez e Pembo ken moutig eo ar porzh hag ar bourk.
D’ar meurzh 14 a viz here zo degouezhet archerien e-barzh un ti eus Pembo evit serriñ un den, 26 bloaz, anavezet mat gant ar justis evit traouigoù. Diskred zo warnañ bezañ e penn un trafik dramm e Bro-Raez hag en tu-all d’al Liger, etre Pembo, Donvez, Pornizh, Trigneg, Sant-Nazer, Sant-Brewenn…
Abaoe miz meurzh e oa an archerien war e lerc’h. 6 den a zo bet lakaet dindan evezh en holl. 400gr a gokain, 1,6kg a rezin kannab ha 200gr a gannab a zo bet tapet gant an archerien. Arc’hant (40 000€), bravigoù, armoù a bep seurt (armaoù brezel en o zouez) a zo bet kavet ivez. En holl e oa tro 140 000€ ! Hag an dud onest o labourat noz-deiz evit ur bennozh doue !
Hervez ar boliserien e veze gwerzhet tro 15kg a gannab hag ur c’hilo a gokain bep miz gant ur strollad urzhiet mat.
Kerkent a zigwener diwezhañ zo bet kaset pemp eus ar re serret dirak ar barner. An hini diwezhañ en deus anvezet dija war a seblant har ur prosezerezh disheñvel a zo bet lakaet e pleustr evitañ.
Illustration : Archerien al Liger-Atlantel
[cc] Article relu et corrigé (orthographe, syntaxe) par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine..
