Plesei, e Bro-Redon met kostez Liger-Atlantel, a servij da skouer evit an tu-kleiz pellañ. War a seblant e vefe lakaet e pleustr gant ur c’huzulier-kêr anvet Thierry Lohr ur seurt « emverenerezh kumuniel ». D’ar 16 a viz genver da skouer e vo aozet ur brezegenn e kêr Brie, en Il-ha-Gwilun war ar pezh a vez lakaet e pleustr e Plesei.
« Kêr skañv », « atalieroù keodedour », « kemmesk sokial », « dom jeodezek », klevet e vez tout ar gerioù-se, o tont eus ar bed gaochist, e Plesei bremañ.
Tañset eo bet an ti-kêr gant prefeti al Liger-Atlantel diwar-benn unan eus e raktresoù : un dom jeodezek en un atant. Met n’eo ket an darvoud-se a zo pouezhus amañ.
Lod a lavaro ez eo an Thierry Lohr, ur gaochist hag un penn-skort. Marteze ha… marteze pas. Kar gantañ e vez graet traoù en e gumun. Hag eñ n’eo ket maer, eil-maer ne lavaran ket. N’eus ket kalz a c’halloud met gant an nebeut a zo gantañ e ra dija ur bern traoù. Ha dont a ra da vezañ ur seurt « eienenn awen » evit ar re all, dre ar prezegennoù a ra amañ hag ahont.
Perak ne vefe ket graet ar memes tra en hor metoù ? Perak ne vefe ket klasket cheñch an traoù er c’humunioù bihan e-lec’h gortoz an Abardaez Veur pa vo trec’h an RN e Paris (ha gouzout mat a reomp ne vo ket ur « maread aour » evit ar yezhoù minorelaet hag an emrenerezhioù pa vo an RN e penn an traoù ouzhpenn-se) ?
An istrogelled eus an tu-kleiz pellañ a GRED lakaat o mennozhioù e pleustr betek er c’hêrioù bihan. Ha ni ? Broadelourien Breizhad eus an tu-dehou a vez bemdez o lenn Breizh-Info, pet anezhe a zo kuzulier en ur c’huzul-kêr bennak ? Pet a zo oc’h « advretonat » o c’humun dre obererezhioù bihan ?
Gant an tu-kleiz pellañ e vez lakaet Tremargad hag e voboed diwar ar maez da skouer ha bremañ Plesei. Ha ni, peseurt « kêr idañtiter » hon eus da lakaat da skouer e Breizh pe en un traonienn bennak eus Okitania, lârit din ?
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
