Na drist ! Ne vo ket mui kemeret plijadur o klevet prezegennoù diboell ar wregelourez Alice Coffin e kuzul-kêr Paris : n’eo ket bet adkemeret war listenn an tu-kleiz ekolo-PS evit ar votadegoù kêr a zeu ! Dre forzh krial, diskouezh ar biz, sulpediñ ha c’hoari an dramma queen he deus skuizhaet an holl dud tro-dro dezhi, betek en tu-kleiz, he mignoned sañset.
Ha setu ar pezh a gas bremañ war ar rouedadoù sokial :
Gwell a reer splann amañ eo trelatet Alice Coffin. Kaset eo bet da Di ar re Sot e-pad daou viz, ehannet (diwar abegoù psikologel ?) e-pad bloaz… Poent eo dezhi diskuizhañ. Ur c’hleñved-spered eo deuet ar gaochism da vezañ siwazh.
Ha piv en deus bet he laer ? An tu-dehoù pellañ ? Sarah Knafo hag a zo war ar renk e Paris ? N’eo ket ! An ekologourien an hini eo, da lavaret eo ar strollad (gant LFI) a zegemer ar profiloù hag az a ar pellañ war hent risklus ar wokism. Diaes eo evit ur wregelourez eus an tu-pellañ bennak bezañ skarzhet eus ul listenn ekolo. Deuet eo a-benn Alice Coffin d’hen ober. Gourc’hemennoù !
Ha dre faot piv n’eo ket bet galvet Alice Coffin en-dro ? Dre faot ar BAOTRED evel just :
Petra vo graet gant Alice Coffin bremañ ha gant petra e vo gounezet he zamm bara ? ‘Chalit ket, kavet e vo ur plas eviti en ur gevredigezh eus an tu-kleiz bennak moarvat…
Fotoioù : kont twitter Alice Coffin
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
