E ospital Kastell-Briant (Bro-Vaez) e c’hello an « dreuzjeneraded » hag an « nann-binareled » kavout daou vezeg digor o skouarn d’o « froblemoù » hiviziken. Marie Barry unan anezho a zo trummadourez a-vicher met n’eo ket evel trummadourez he deus c’hoant da labourat aze met evel « mezegez ispisializet evit ar gumuniezh », ar gumuniezh LGBT. Gant he c’homper Nicolas Hourdin e fell dezhi digeriñ ur c’habined evit gellet preskrivañ hormonoù (oestrojenoù ha testosteronoù) evit an neb a c’houlenn ha, perak pas, mont pelloc’h da c’houde gant ginekologiezh, ortofoniezh, « surjianerezh treuz ». Kar an dreuzjeneraded a zo dindan hormonoù a-hed o buhez ha lod a vez operatet.
Un daou-ugent bennak a dud o defe goulennet un emgav dija. Ur goulennaoueg anvet « Enquête sur les besoins des personnes trans autour de Châteaubriant » a zo bet lakaet war internet evit « anavezout an ezhommoù ». Gant ar banier « treuz » mar plij ! Warlec’h e fell d’ar vedisinez sevel ur skipailh « safe » hervezi. Da lavaret eo tud digor o spered d’ar « problemoù-mañ »…
Emañ ar vezegez o vezañ stummet e Roazhon « evit kemer e karg an dud dreuz ».
Ar pezh zo, anavezet eo ospital Kastell-Briant evit bezañ peurleun, peugarget ingal. E miz genver 2026 e oa leun-chouk an trummadoù. Memes tra er mare-mañ : 15 gwele a zo bet serret evit an hañv-mañ abalamour d’an diouer a implijidi, medisined da gentañ. Emañ ar sindikadoù fuloret gant se.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
