Ha setu pennad 3 Reizh-Direizh lakaet en linenn !
Gant ar baotred hag evit ar baotred, setu penaos e vezent savet ar c’hêrioù bepred. Abaoe un nebeut bloazvezhioù e klask an dilennidi hag ar c’hêraozerien kemer e kont ar c’hemmesk pa gasont war-raok politikerezhioù reneveziñ ar c’hêrioù. Setu ar pezh a c’hoarvez en Oriant e lec’h ma ginnig deomp ur c’hêraozour ar steuñv nevez evit karter Kervenaneg. O vale asambles gant merc’hed ar c’harter poblek-se, e vez stadet an traoù gant kêrsavourien ha dastumet keleier prizius dre ur valeadenn-studiañ.
Ha just a-raok e oa bet lakaet en linenn ar rann daou :
Gant an heñchañ micherel e vez lakaet digempouezioù ar reizhoù e bed al labour da genderc’hel da vont en-dro. Petra e ranker ober evit ma gredfe ar merc’hed muioc’h enno o-unan ? Ne fiñv ket an traoù, pe nebeut-tre, a soñj dezhi ur gelennerez eus skolaj Diwan Kemper. Merzhout a ra e tremen an deskadurezh kement dre skouerioù ar vuhez bemdez – el labour pe er familh – eget dre an deskadurezh er skol. Memes ma vez huñvret an ingalded gant ar skolajidi, e ouzont mat e chom un hent hir da ergerzhout evit ma vo gwirion an utopiezh.
Sevennet gant Anne Gouerou eo Reizh-Direizh un heuliad hag a zispleg deomp pegen maleurus eo ar merc’hed e Breizh, pegen gwasket int gant ar baotred, pegen disoñjet int bet pa vez savet ar politikerezhioù kêraozañ ha pemp ha pevar ha pemp ha pevar…
Skuizh ! Skuizh ! Skuizh eo an dud gant kement ha ragachoù wokour ! Perak ar gurun ez eus bet roet arc’hant da seurt raktres gant ar rannvro ? Skuizh gant ar propaganda gwregelour ha wokour a zo o vreinañ an Emsav evit ar brezhoneg. Trawalc’h gant se ! N’haller ket selaou ar radio brezhonek ken, ken wokour int deuet da vezañ, atav ar memes sujedoù, atav ar sotonioù nevez-gwregelour. Ha bremañ setu ar propaganda erruet en abadennoù skinwell !
Kenproduet gant Tita B Production hag FR3 Breizh, Reizh-Direizh a zo un heuliad hag a vo… heuliet gant an 12 gaochist o blev mouk az a d’ober an Emsav a-vremañ. Tout an arc’hant evit ar c’hleweled e brezhoneg a servij d’an ideologiezh wokour ha kleizour, poent eo cheñch an traoù !
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
Une réponse à “Reiz-Direizh : hag un heuliad wokour ouzhpenn !”
Emañ ar gwir gant a pennad-mañ. Mont a reont da heul ar wokouriezh … a zo distaolet muioc’h-mui gant an dud a zo aet faezh gant gwir abeg. Warlerc’hiet eo o flabach e-keñver prederiadennoù an dud ordinal.
Sellout a ran-me ouzh an abadennoù skinwel-se evit muzuliañ pegen roch ez int.
En abadenn ziwezhañ e oa ivez ur pennad-kaoz a-du a grenn gant degemer an enbroidi dibaper…
Un evezhiadenn dwb ar ger « éducation » : implij a ra ar pennad ar ger « deskadurezh ». Ar ger « desaverezh » pe « diorroadurezh » a vefe gwelloc’h a galz d’am soñj.