D’an 11 a viz gwengolo e oe deiz an distro-skol aveit studierion an UBS (Skol-Veur Breizh ar Su ms ni a lâr’ « Skol-Veur ar Morbihan ») ‘ba Gwened èl rezon mes ivez ‘ba An Oriant ha Pondi mah eus kampusoù. 10 000 studier a zo àlkent ‘ba skol-veur ha deiz an distro-skol oe bet badezet « Welcome Deiz », get ar berton hag ar saozneg touesk-touesk.
Ar prezident, David Menier, oe ‘ba An Oriant aveit prezantiñ raktresoù ar blez. Hag unan anezhe a zo souezhus : sevel ur c’hampus àr unan ag inizi ar Mor bihan. Mes n’eo ket an departamant, Mor Gwened ne lâran ket, ar « Golfe » na betra. Pe hini ‘vo neuze ? An Izenac’h pe An Arh ? Peotramant unan arall marse ? Reve David Menier e vo staliet ar c’hampus ‘ba savadurioù a zo anezhe dija. Ha sort savadurioù a zo àr un enezenn arall ? Prevez eo ar c’hros anezhe sañset.
Un dra vat e vo kar mod-se e vo un tamm buhez àr an enezenn choazet a-hed ar blez ha n’eo ket durant an hañv hepken. Ha get ar c’hampus hag e studierion e tay labour aveit tud ar vro.
Get ma vo roet ur plas dereat d’hor berton àr ar c’hampus-mañ a-wael !
Crédit photo : DR
[cc] Article relu et corrigé par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine
