D’ar meurzh 13 a viz genver e oe prest ar poliserion da fardiñ àr an drafikourion dramm a oe bet reperet dibaoe pell gete. ‘ba kartchier Menemeur o deus en em gavet èl rezon mes ivez ‘ba Pleskob ha Santeve. ‘B’an nevez-hañv oe bet komañset an enklask ha poentoù deal oe bet renablet ‘ba Gwened, ‘ba Menemeur aveit bout rezis, ur c’hartchier hag a dro fall muioc’h-mui. Reve ar sifroù embannet get polis ar Morbihan e veze gouniet 3000€ bemdez gant an drafikourion ! Allas dezhe : Selaouet e oe o fellgomzadennoù, heuliet e oent dre guzh ha d’an 13 a viz genver e kouezhas dorn ar justis àrne : 6 den a zo bet serret, daou vinor (15 ha 17 vlez) en o zouesk; drogach a zo bet kavet (kanap, kokain, ekstazi, …) hag ur bouchad argant èl rezon !
A Bleskob oe penn bras an trafik é chom, un Albanad a 18 vlez hag e vignonez. Barnet int bet doc’htu ha kondaonet da zaou vlez prizon, unan anezhe get goursez, aveit ar paotr ha c’hwech miziad get goursez aveit ar plac’h. Ha n’int ket edan OQTF, hag int trafikourion dramm. Perak ‘ta ? Un domaj e vehe da leskel da vonet ur c’homersañt ken ampart ?
Un dealer a 16 vlez a zo bet tañset get barner ar vugale ivez ha kaset da Gemper, d’ober akt a gontrision ‘ba ur bod sokiosevenadurel.
Hag ar pratikoù ? 75 a zo bet kavet get ar polis, ur sort. Ha kondaonet e vo ar re-se ivez pe pas ?
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
