E Kervegon (« Bouguenais » e galleg, e Bro-Raez), ur gumun eus bannlev Naoned, ez eus un tregont bennak a garavanennoù staliet war parka ar Piano’cktail, ur sal abadennoù, abaoe sizhunvezhioù. O treiñ sot emañ an ti-kêr gant se rak warlene dija e oa bet ar memes tra. Ranket e oa bet dezhi feurmiñ plasoù war parkva Jardiland evit m’en defe gellet ar sal kenderc’hel gant hec’h abadennoù : n’halle ket mui an dud dont gant o c’harr-tan !
Ha padal e oa bet graet labourioù gant an ti-kêr evit herzel ar c’haravanennoù a dremen. Ur gloued gant ur c’hod a oa bet staliet, ha strishaet e oa bet an tremen. Ne viras ket ouzh ur gumuniezh nevez d’en em staliañ war ar parkva da dremen ar goañvezh. Ha jeu gant an dud a zeu d’an abadennoù.
Galvet eo bet ar prefed gant ar maer ha gortoz a ra ar gumun e vefe skarzhet ar meuriad ar buanañ ar gwellañ.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
