Abaoe m’eo bet kaset Jacob Zuma (ANC) ar prezidant kozh d’an toull-bac’h n’eo ket sur ken straedoù Afrika-ar-su. Ha danjerus-tre ar vro dija abaoe m’eo arruet ANC e penn ar gouarnamant.
Bemdez e vez lazhet tud a bep seurt liv e straedoù ar chêrioù bras tra ma vez peurlazhet kentoc’h tud gwenn, labourerien douar afrikaners peurgen, war ar maez.
Se zo kaoz e kemer muioc’h-mui an afrikaners o surentez dezho e karg. E miz gouere, Afriforum, un ensavadur afrikaner, en deus savet bagadoù eveshaerezh ar c’harterioù un tamm e pep lec’h er vro. Kement ha kemer ur skouer : d’an 30 a viz gouere ez eus bet aozet ur « patrouilh broadel a-vern » gant an ensavadur. Ha ne’z a ket dizamant ganto pa vez graet seurt tra ! Er Stad Dieub, er Gwalarn hag er C’hwazulu-Natal, 42 eveshaerezh a garterioù a zo bet graet gant 1541 paotr a youl-vat ha 828 karr-tan. Tost 30 000 km a zo bet graet gant ar batrouilherien en holl ha 26 ober felliezh a zo bet dirouestlet.
En o zouez : tud tapet o vleinan mezv-dall, laeron-tiez serret o prientin o zaol, tud feuls, kar-jackings, …
Ha tout-se o kenlabourat gant ar SAPS, ar polis vroadel eus Afrika-ar-Su ! Rak en Afrika-ar-Su e c’hell milisoù prevez, du pe gwenn, harpan ar polis.
Evit kemer perzh e seurt nozvezh eveshaerezh n’eus ket ezhomm leunian paperachoù ha paperachoù. N’eus ket ‘met kas « Buurtwag »(« an amezeien a sell » en afrikaans) dre SMS d’an 45342 ha dao !
Crédit photo : DR
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
